ديكتاتور ولكن !!!!

كتب الاستاذ صلاح منتصر فى كتابه من عرابى لعبد الناصر جمله ختم بيها الكتاب وهى "التاريخ ليس حكايه مسليه ومن لم يتعلم من اخطاء الماضى لا يحق له ان يندم فى المستقبل ومن بعد انتخاب المشير وتشبيه بالرئيس الررسى فيلادمير بوتين والجدل مستمر هو الهدف الوصول للديموقراطيه ولا الوصول الى التنميه عن طريق الديموقراطيه وبكده لو طريق الديموقراطيه منغعتش ممكن نغير الطريقه ؟؟؟
الحقيقه ان التاريخ مليان بامثله من النوع ده ويمكن اشهر نموذج فى حياه المصرين هو محمد على باشا الوالى الطموح موسس مصر الحديثه
فى عام 1822 قرر محمد على فرض التجنيد الاجبارى على المصريين وبدا يؤسس فى الجيش وفى الوقت ده كان حدود الفلاحين هو القريه اللى هما فيه ومعنى انهم ياخدوا ولادهم وكانهم بيخطفوهم لابد فقام الصعيد بثوره عارمه من قنا لاسوان كان رد فعل محمد على انه قمع الثوره باستخدام ست مدافع ميدانيه وقام بعد كده بست شهور المنوفيه ووجه بحرى بثوره وقمحهم محمد على مع انه لو حد عملها فى عصرنا هايحموه فى محكمه العدل الدوليه فى لاهاى  وبكده اتمهدله الطريق لتكوين الجيش المصرى هذا الجيش اللى كان السبب فى فرض نفوذ لمصر لم تصل اليه من عهد الفراعنه واللى سبب انه لاول واخر مره تتجمع دول اقطاب العالم (انجلترا وفرنسا وروسيا والنمسا )  حول راى موحد وهو القضاء عليه فى معاهده لندن 1840
كذلك نموذج تانى النموذج الروسى والرئيس فلادمير بوتين اللى تولى الحكم وروسيا بقت اشلاء بعد انهيار الاتحاد السوفيتى  وخلال 14 سنه من توليه المسئوليه سواء بصوره مباشره كرئيس او غير مباشره كرئيس للوزراء قدر يرجع روسيا كقطب منافس عنيد وبدا يلملم بقيا الاتحاد السوفيتى وبناء على تقرير لل BBC بعنوان فى "عهد بوتين من يهتم بالديمقراطيه " ان 64% من الروس غير مهتمن بالديموقراطيه طالما وفر احتياجتهم
نرجع برضه لتموذج شهير فى الولايات المتحده الامريكيه هو الرئيس الامريكى ابراهام لنكولن اللى واجه الحرب الاهليه مع الولايات الجنوبيه بسبب طرحه لمبدا استقلال العبيد ورفضهم وعلشان كده خاض حرب لا انسانيه بالمره واتبع مبدا سياسة الأرض المحروقة هي إستراتيجية عسكرية أو طريقة عمليات يتم فيها «إحراق» أي شيء قد يستفيد منه العدو عند التقدم أو التراجع في منطقة ما. في الأصل كان المصطلح يشير إلى إحراق المحاصيل الفلاحية لعدم استعمالها من طرف العدو كمؤونة أما الآن فهو يشير إلى إحراق المنتوجات الغذائية وتدمير الهياكل الأساسية مثل المأوى والنقل والاتصالات والموارد الصناعية. وقد يتبع الجيش هذه السياسة في أرض العدو أو في أرضه. ولم يكتفى بهزيمه الجنوب وانما دمره بالمعنى الحرفى للكلمه قد يكون الفعل لاانسانى وفيه من الظلم الكثير لكن استخدم لخدمه غايه انبل ويمكن تصرفه ده احد اسباب ان الولايات المتحده الامريكيه محافظه على وحدتها لحد دلوقتى 
وبما انه احنا على مفترق طرق دلوقتى لازم نحدد هل الديمقراطيه غايه ولا وسيله ولو وسيله ايه مخاطر استخدمها وايه الوسائل البديله حتى لو استخدام الديكتاوريه  فعظم الغايه قد يغفر سوء الوسيله .

إنتاج 1976
قصة صلاح جاهين ويوسف شاهين.
اخراج : ويوسف شاهين.
اول مره هتتفرج على الفليم هتقول طب وبعدين هما عاوزين ايه ؟؟؟؟؟؟
والواحد علشان يقدر يستوعب الفليم وايه المقصود بيه اتفرجت عليه اربع مرات غير انى شفت كل المقالات  النقديه علشان تقدر تلم خيوط الفلم
مبدائيا الفليم بيجسد ماضى وحاضر ومستقبل مصر فى عهد ما بعد حرب اكتوبر وازاى تفعلاتهم مع بعض الفليم مشحون بكتير من الانعالات اللى مر بيها الجيل اللى شاف النكسه والنصر خصوصا من امانوا بالناصريه بانت اوى فى كلمات صلاح جاهين فى اعنيه مفترق الطرق والشارع لمين
الشخصيات كل واحد بيمثل اتجاه
يعنى طلبه بيمثل:الجانب المظلم لعبد الناصر وهو الديكاتوريه
على بيمثل الحلم والامل اللى جرى ورا احلامه وجت النكسه كسرته ومعرفش يقوم منها
ابراهيم بيمثل الحلم والامل اللى ملوش طموح
تفيده الحلم الواقعى اللى عاوز يفيد بلده
فاطمه احدى ضحايا الديكاتوريه وهو طلبه
الام (رتيبه ) الطبقه اللى مستفيده من السلطه ومش يهمها مين اللى يحكم واللى قررت تنقل السلطه لعلى اول ما رجع لانها شافت بكده هتفظ اموال عائله المتبولى
احداث الفليم بدور انه طلبه استولى على حاجه وهو اللى بيدور المعصره ومانع ابراهيم من السفر ومتسلط على حاجه والناس كلها بتتحسر وبتفتكر على ومستنيه رجعوه واول ما يرجع بيروحوا افواج علشان يستقبلوه بعد كده الصراع بيدور مابين على المنكسر وطلبه والجيل الجديد وبينتهى على على بينصح الجيل الجديد انهم ينسوا الماضى ويشوفوا احلامهم وهما بقا الجيل القديم بيخلوا على بعض وهى نهايه من اعنف النهايات فى تاريخ السنيما المصريه
كلمات الاغنيه جات معبره جدا عن المشاعر يعنى فى اعنيه الشارع لمين
بتبدى بالسوال الشارع لمين ؟أنا مش تبع مخلوق يا سيدنا البيه أنا حر فى اللى يقول ضميرى عليه ..اذا كنت تحكم جوا ملكوتك فالشارع الواسع فاتح لى أيديه 
بعد كده بيقيم حقبه عبد الناصر بالنكسه على هيئه حزار ما بينه وبين الشعب مشوار بديته وقلبى بالامل مليان
جمل الطريق عضنى وطلعت انا خزيان
احلى ما فى الحلق طعم المر للذكرى
شووف المرار لما يبقى حلو ياجدعانوبيكون الرد
كان وعد منك .. كان حلم منا .. قالت الشفايف .. شافت عيونا .. قوس الشتوية سبع ألوان
بتيجى اغنيه مفترق االطرق اللى نصين نص بيوصف الماضى وفتره عبد الناصر ساعات أقوم الصبح، قلبي حزين
أطل برا الباب، ياخذني الحنين
اللي إشتريتو إنباع، واللي لقيته ضاع
واللي قابلتو راح، وفات الأنينونص بيوصف الحل فى المستقبل

أدي اللي كان، وأدي القدر وأدي المصير
نودع الماضي وحلمه الكبير
نودع الأفراح... نودع الأشجان
راح إللي راح ومعدش فاضل كتير
إيه العمل دي الوقت يا صديق
غير إننا عند إفتراق الطريق
نبص قدمنا، ع شمس أحلامنا
نلقاها بتشق السحاب العميق
طبعا اداء ماجده الرومى كان خرافه والحان كمال الطويل محدش يقدر يقيمها
حاجه اخيره موقف العمال اللى كانوا مستنين على يجبلهم لبن العصفور فى ورق سلفان لو لاقوا انكسار على قرروا يجيبوا حقهم بنفسهم 

فى ذكرى الحرب العالميه 

فى الثالث من مايوم من كل عام يحتفل العالم بانتهاء حرب من اشد الحروب فى تاريخ البشريه وهى الحرب العالميه الثانيه ولكن السوال بماذا نحتفل ؟؟؟؟؟؟
الاجابه ستكون الاحتفال بالانتصار على النازيه والفاشيه والانتصار للقيم الانسانيه الخ الخ الخ
ولكن هذا صحيح ؟
الم يتم القاء القنبله النوويه الامريكيه على هيروشيما وقتل الاف المدنيين فى لحظات وكان هناك الكثير من الوسائل البديله الم يعدم الروس الاف الجنود البولندين عند دخولهم بولندا ولم يعترفوا بتلك الجريمه الا بعد سقوط الاتحاد السوفيتى
الم ترتكب القوات القوات الروسيه الجرائم البشعه من تعدى واغتصاب وخلافه عند دخولها برلين
الواقع ان الانتصار فى الحرب كان للنازيه على النازيه والفاشيه على الفاشيه وان من انتصروا لا يختلفوا وضاعه وخسه عن من انهزم
ولان التاريخ لايكتبه الا المنتصرون وتحت تاثير اله اعلاميه ضخمه فى الهجوم على هتلر بعد 69 على انتهاء الحرب يراد لنا ان نتفهم انهم دخلوا الحرب دفاعا عن الانسانيه

فى ذكرى تحرير سيناء هل فقدنا ما هو اغلى من سيناء 

فى كل 25 ابريل من كل عام نحتفل باستراد اخر شبر من التراب الوطنى ونسترجع روح اكتوبر والنصر والعبور 

كان هذا فى السنين الاولى لمعاهده السلام يوم ان كام العدو عدو والصديق صديق 
الان وبعد 36 سنه على معاهده السلام 
الأجيال الجديدة أجيال عاشت منظومة كاذبة عن سلام عاجز ولكنها صدقته.. أجيال نشأت على صورة العدو الذى حاربناه نصف عمرنا وفجأة وجدناه صديقا مفروضا علينا فى النصف الآخر.. فلا نحن احتفظنا فى الذاكرة بصورة العدو ولا نحن صدقنا أكذوبة الصداقة.
الان لايوجد حلم قومى بلتف حوله المصريون الحلم القومى للشباب الهجره الى اى بلد بل وصل بالبعض للذهاب الى اسرائيل !!!!!!!!!!!
دلوقتى بنسخدم وسائلهم بكل بساطه الفيبر وبرامج الاتصال الاخرى ولما تقول لحد ده اسرائيلى يقولك وايه يعنى صفحات مشبوه على وسائل التواصل الاجتماعى وبياخدوا كل بياناتك ولما تحذر الناس يقولوا ده مش معلومات قيمه 
ببساطه فى ذكرى استراد سينا لقد استردينا الارض وفقدنا القيمه 
الوطن مش مجرد حدود سياسيه الوطن هو فكره وقيمه
 التحدى امام اى مسئول او مرشح انه يعيد الايمان بالوطن بعد كل الخراب النفسى اللى موجود داخلنا كمصريين

المشكله  فييييييييين ؟؟؟

اصبح زى العرف انه لما تجتمع مجموعه مهتمه بالكتب والقراءات  انه لازم يشتموا الاول فى مكتبه الشروق وابراهيم المعلم لاسعار الكتب المبالغ فيها ولاحتكاره الكتب الحاجه اللى بتخلى ناس كتيره متقدرش تحصل على الكتب بس الفئه ده من الناس بتتصرف يعنى اى حد مبقدرش على اسعار الشروق بيروح علطول للهيئه العامه لقصور الثقافه والهيئه العامه للكتاب اللى بيبيعوا الكتب باسعار رمزيه فعلا ده بالاضافه الى سوق الكتاب المضروف فى سور الازبكيه وغيرها من مناطق التوزيع ده غير طبعا الكتب pdf اللى على النت اللى موجود عليه كل الكتب بدايه من ميكى وبطوط الى اكبر المراجع العلميه

اذا على الرغم من غلو اسعار الشروق فانه دائما فيه البديل وفى الحاله ده فيه بدائل كتييره اووووووووووى طيب الناس مبتقراش ليه الشباب اللى ممكن يقضى على الفيس بوك قرابه العشر ساعات كل يوم عمره ما فكر يفتح كتاب ولو فتح كتاب هيكون علشان يجارى الموضه وبيقرا مجموعه قصص معروفه  بغض النظر هيا كويسه او وحشه لكن لمجاره الشباب واتباعا لمبدا القراءه الموسميه
يبقى الخلل فين ؟؟؟؟؟
حكى لى احد الاصدقاء عن وجود مبادره لعلاج المدمنين وان المبادره ده مجانيه تماما والعلاج بيتم فى ارقى المستشفيات وبيتمتع المريض بسريه تامه وعلى الرغم من الترويج والدعايا اللى تمت للموضوع الا انه نسبه الاقبال كانت اقل من المنتظر يعنى هنا المدمن مبسوط بحاله ولا مش قادر على تكاليف العلاج
الحقيقه انه عندنا فى هذا المجتمع خل لواضح لكن مش مفهموم اى من اسبابه 

ارض النفاق

اخترت انه يكون عنوان اول تدوينه على المدونه الجديده هو ارض النفاق لانه ببساطه اسهل عنوان لمجتمعنا زى ماوصفه الكاتب الكبير يوسف السباعى
بيتهيالى مشكلتنا عن اى حته تانيه فى العالم هو النفاق يعنى مثلا امريكا فى اوروبا و امريكا شايفين انهم بيعانوا من تفكك اسرى لكن معترفين بده والشاب من وهو 16 سنه بيمشى فى طريقه اما عندنا ببساطه عندنا تفكك اسرى العن من اوروبا لكن مش معترفين بيه والناس بيبقوا عايشين تحت سقف واحد وميعرفوش حاجه عن بعض ده غير الفجوه الواسعه مابين جيل الابناء والاباء اللى خلت كل واحد  قاعد على الاب بتاعه فى غرفته وشكرا المشكله مش فى كده المشكله انه عندنا من البجاحه لانكار الواقعه ونتباهى عن الغرب بانه عندنا تماسك اسرى طب ازاى ؟؟؟؟؟؟؟
الناس تعقد تشتكى من ظلم وفساد الشرطه لكن لما تسال واحد منهم انته نفسك فى ايه يقولك نفسى اكون ضابط علشان اعيش براحتى يعنى الظلم اللى بيشتكى منه على اتم استعداد ينفذه لما يكون هو فى موقع المسئوليه  ده بالذمه ده شعب عنده مبدا ؟؟